Айыл ичиндеги жолдорго асфальт төшөлүүдө

Сузак районунун Кара-Дарыя айылындагы Нефтипром – Үч-Мазар багытындагы жолдун 3 чакырым 750 метр аралыгында асфальт төшөө иштери жүрүп жатат.

Жол куруу иштери «Кыргызавтожол-Түштүк» мамлекеттик ишканасына караштуу № 22 Жол тейлөө ишканасы тарабынан аткарылууда.

Жолдун жалпы узундугу 19 чакырымды түзөт. Учурдагы оңдоо иштери 15,5-чакырымдан 19-чакырымга чейинки аралыкты камтыйт.

Бул тилкеде буга чейин асфальт таптакыр болбогондуктан, жумуштар нөлдөн башталган.

Транспорт жана коммуникациялар министрлигинин маалымат кызматы