Түптө Михайловка-Николаевка-Токтоян-Сары-Тологой унаа жолу асфальтталды

Түп районунда бир нече унаа жолдорду асфальттоо иштери ийгиликтүү жыйынтыкталды.

Михайловка–Николаевка–Токтоян–Сары-Тологой унаа жолунун 7 чакырым аралыгына (19–26-чакырым) асфальт төшөлүп, пайдаланууга берилди. Өткөн жылы  бул жолдун 6 км 600 метри асфальтталган.

Ошондой эле, Каркыра–Турук–Сары-Жаз жолунун 13–16-чакырым аралыгы эки тараптуу асфальтталып бүткөрүлдү.

Мындан тышкары, Долон –Кош-Дөбө унаа жолундагы көпүрөнүн курулушу уланууда. Учурда кɵпүрɵнүн тирɵɵчтɵрүн орнотууга жээктери бекемделүүдө. 

Жол иштери №4 Жол тейлөө ишканасы тарабынан жүргүзүлдү. Азыркы тапта шагыл жолдорду жана жайлоого кеткен жолдорду убактылуу кароо, жаандан кийинки сүрүп-тегиздөө иштери  жүрүүдө.

Транспорт жана коммуникациялар министрлигинин маалымат кызматы