Комсомол–Барпы–Түрк-Абад жолундагы көпүрөнүн курулушу 80% аяктады

Комсомол–Барпы–Түрк-Абад унаа жолундагы темир-бетон көпүрөнүн курулуш иштери 80 пайызга аяктады. Учурда объектте жумуштар активдүү жүрүүдө.

Куруучулардын айтымында, жакынкы 10 күндүн ичинде иштер жыйынтыкталат.

Белгилей кетсек, Комсомол–Барпы–Түрк-Абад унаа жолунда жайгашкан көпүрөнүн туурасы 20,4 метрди, узундугу 12 метрди түзөт. Курулуш иштери быйыл июль айында башталган.

Жумуштар министрликке караштуу “Кыргызавтожол-Түштүк” мамлекеттик ишканасынын көзөмөлүндө жүргүзүлүүдө.

Транспорт жана коммуникациялар министрлигинин маалымат кызматы