Таласта Чоң-Капка-Ак-Таш-Майское унаа жолунун 2 чакырымы асфальтталды

Талас облусунун Манас районунда жайгашкан Чоң-Капка – Ак-Таш – Майское унаа жолунун 2 чакырымына асфальт төшөө иштери ийгиликтүү аяктады.

Жол оңдоо иштери «Кыргызавтожол-Түндүк» мамлекеттик ишканасынын №48 Жол тейлөө мекемеси тарабынан аткарды.

Алгач жолдун негизги катмары даярдалып, суу өткөрүүчү 11 түтүк орнотулду.. Учурда 2 чакырым аралык толук асфальтталып бүткөрүлдү.

Иш учурунда заманбап техника колдонулуп, сапатка өзгөчө көңүл бурулду. Жумуштар белгиленген мөөнөттө жана техникалык талаптарга ылайык жүргүзүлдү.

Транспорт жана коммуникациялар министрлигинин маалымат кызматы