Нарын-Орук-Там жолу: Кар көчкү тазаланып, каттам берилди

Нарын облусундагы Нарын-Орук-Там унаа жолунун 60-чакырымына түшкөн кар көчкү тазаланып, саат 12:30дар чамасында бир тараптуу каттам берилди. Азыркы тапта Транспорт жана коммуникациялар министрлигине караштуу №8 Жол тейлөө ишканасы (ЖТИ) тарабынан кеңейтүү иштери жүрүүдө.

Эске салсак, жолдун жогоруда аталган тилкесине 7-апрель күнү, саат 15:30дар чамасында кар көчкү түшүп, жол убактылуу жабылган. Жабыркагандар жок.

Транспорт жана коммуникациялар министрлигинин маалымат кызматы