Жети-Өгүз району: Кызыл-Суу-Чоң-Кызыл-Суу жолуна асфальт төшөлүүдө

Жети-Өгүз районундагы Кызыл-Суу-Чоң-Кызыл-Суу унаа жолуна асфальт төшөлүүдө. Азыркы тапта 1 чакырымдан ашык аралык жасалды. Жумуштар Транспорт жана коммуникациялар министрлигине карашуу № 35 Жол тейлөө ишканасы тарабынан аткарылып жатат.

Быйыл Кызыл-Суу-Чоң-Кызыл-Суу жолунун 3-6-чакырымдар аралыгын асфальттоо пландалган. Жумуштар белгиленген графикке жана бардык жол куруу нормаларына ылайык жасалууда.

Эске салсак, 2023-жылы аталган жолдун 2 чакырымына асфальт төшөлгөн.

Транспорт жана коммуникациялар министрлигинин маалымат кызматы